Преглед и потврда на Политиката за приватност на СОС Детски села
Доколку сакате да ја доставите вашата апликација за разгледување, ве молиме внимателно прочитајте ја нашата Политика за приватност. За да продолжите, потребно е безусловно да ја прифатите нашата Изјава за приватност.
Оваа Политика за приватност се однесува на сите лични податоци на кандидатите за работа кои се прибираат или користат од страна на SOS Children’s Villages International, Hermann-Gmeiner-Strasse 51, A-6020 Innsbruck, ZVR: 083115702 („Контролор“ или „SOS“), вклучително и нашите регионални канцеларии.
Важно ни е корисниците на услугата („Корисници“) да се чувствуваат безбедно и да бидат информирани за начинот на кој ги обработуваме нивните лични податоци во процесот на регрутација. Се стремиме да одржуваме највисоки стандарди за заштита на личните податоци. Личните податоци на корисниците се обработуваат, управуваат, користат и заштитуваат согласно оваа Политика за приватност.
1) Општо
SOS е Контролор на личните податоци, а iCIMS, Inc. е Обработувачот одговорен за обработка на личните податоци во име на SOS. Личните податоци на корисниците се обработуваат со цел управување и олеснување на регрутацијата на вработени и/или консултанти за SOS.
2) Прибирање на лични податоци
Кога и како ги прибираме личните податоци
Контролорот прибира лични податоци за корисниците кога тие поднесуваат апликација преку услугата и внесуваат лични податоци за себе.
Во одредени случаи, постојни вработени можат да дадат препорака за потенцијални кандидати. Во такви случаи, вработените внесуваат лични податоци за потенцијалните кандидати. Потенцијалниот кандидат се смета за Корисник согласно оваа Политика за приватност и ќе биде информиран за обработката. Вработените се должни да го информираат потенцијалниот кандидат пред поднесување на препораката и неговите/нејзините податоци преку системот.
Видови лични податоци кои се прибираат и обработуваат
Категориите на лични податоци што може да се прибираат преку услугата вклучуваат податоци за идентификација како име и презиме, е-пошта, фотографии, LinkedIn профили, одговори на прашања во процесот на регрутација, титули, образование и други информации обезбедени од корисникот или трети лица. Се обработуваат исклучиво податоци релевантни за процесот на регрутација.
Цел и законитост на обработката
Целта на прибирањето и обработката на личните податоци е управување со процесот на регрутација. Законската основа за обработката е нашиот легитимен интерес за поедноставување и олеснување на регрутацијата.
Согласност на субјектот на податоци
Корисникот дава согласност за обработка на неговите/нејзините лични податоци со цел управување со регрутацијата. Корисникот се согласува личните податоци да се прибираат преку услугата, било директно или преку трети страни како Facebook, Google или LinkedIn.
Корисникот има право во секое време да ја повлече својата согласност, преку најавување на својот профил и избор на „Повлекување согласност“ во делот „Барања на субјектот на податоци“ или со контакт со Контролорот. Повлекувањето на согласноста може да значи дека корисникот нема да може да аплицира за конкретна работна позиција или да ја користи услугата.
Период на обработка на личните податоци
Корисникот може да даде согласност личните податоци да се чуваат и обработуваат за период од 2 години или само за конкретниот процес на регрутација. Типот на согласност може да се промени во секое време.
3) Пренос на лични податоци на трети лица
Контролорот нема да продава ниту на друг начин да ги пренесува личните податоци на корисниците на трети лица.
SOS може да ги пренесе личните податоци на:
- договорни партнери и под-изведувачи кои дејствуваат како обработувачи;
- надлежни органи или правни советници во случај на сомнеж за незаконско однесување;
- органи или други субјекти кога тоа е законска обврска.
4) Измени
SOS го задржува правото во секое време да ја измени или дополни Политиката за приватност.
Новата верзија се смета за соопштена кога корисникот ќе добие е-пошта или ќе биде информиран при аплицирање за ново работно место.
5) Контакт
За контакт со СОС Детски села, ве молиме користете ја Контакт формата.
